少女旅行日記

台北

[台北] 西門町單人房平價住宿 300蚊一晚擁有個人小天地 卡樂町旅店

唔知有冇人同少女一樣一個人旅行會堅持要搵單人房住?我唔介意住hostel,共用浴室係可以的,但房呢,我唔係太鍾意同陌生人share,因為訓覺對我黎講太重要啦,所以好驚人阻住我訓覺......搵又平又高質既單人房住宿就成為我每次一個人出遊最重要的小事。今次係台北搵到間好野,好適合喜歡住單人房的旅人啊!(當然多過一個人都可以住......)
卡樂町旅店(ColorMix Hotel & Hostel)位於超熱鬧又有MK情懷的西門町,捷運西門站1號出口直行大約行5分鐘轉右就到,好方便。樓高4層,設計走簡約路線,又有少少型格。地下係reception,有電腦可以用。
1樓同2樓係房間,每層有10幾間房,主要分單人房同雙人房,而單人房係有好多種的。先講我自己住的,就係最普通的單人房,基本上打開房門已經一眼睇曬間房有咩。有床、有枱、有電視、有冷氣、有衣架、有毛巾。我好鍾意佢既簡單,因為我需要既都真係得甘多,間房乾淨舒適,一關埋門就好似擁有自己既小天地,不受騷擾,最適合想要私人空間的旅人。而平日一晚只需台幣$1050,即港幣$262咋!!!假日台幣$1250,即港幣$312,都係好抵!
不過我發現其實我間房爭左一樣野,就係個窗!所以間房會有少少焗,而其實hostel係有有窗既房揀,仲一樣價錢!!!不過我訂個時已經full左啦,下次我一定揀返有窗既房。第二日出門個時見到其他房執緊,有窗既房感覺真係好好多呀。
除左有窗單人房,仲有種單人房係訓上格床,又有分有窗同冇窗,我自己就唔太鍾意呢種房,要上樓梯,張床同天花板又好近,我會覺得有壓迫感。呢種房平日比一般單人房平$100台幣,只需台幣$950,即港幣$237,如果想慳到盡都不失為一個好選擇。
其中一種雙人房就是這樣,同單人房差不多不過床變左雙人床。網站有其他房型的相片,有更大空間的選擇。而獨立浴室好像有點太細。
所有單人房都冇獨立浴室同廁所,要用共用的。而雙人房就會有獨立浴室。共用浴室有分男女,女在1樓,男在2樓。個共用浴室好大,有4格沖涼的,每格空間都幾大。洗面、吹頭既位都多,而且唔知點解我用個時都冇其他人用......正,所以呢部份我都覺得唔錯。
頂層係天台,有洗衣房,亦提供左一個俾住客傾下偈同識朋友的空間,仲有好靚既塗鴉。Hostel每層都有水機,又有收得幾好的wifi,員工都nice,唯一唔好係房既隔音有少少差,但整體黎講都係物超所值,推介。
卡樂町旅店(ColorMix Hotel & Hostel)
地址:台北市萬華區內江街55巷22號
交通:捷運西門站1號出口行大約行5分鐘
房價:單人房平日每晚台幣$950起
網址:http://www.colormixhotel.com/

更多台北相關文章

更多台灣相關文章