跟不同的台灣人相處了一段日子後，我有個小發現，就係佢地講野傾向係好誇張。例如佢地咩都會話：「嘩超美！」、「這個真的超好看！」、「那地方超好玩！」但明明就唔係真係咁靚、咁好睇同咁好玩。佢地係好少話一樣野唔好，就算真係覺得唔好，都硬係要講「還好啦」，聽起上黎好似都OK咁。我問佢地覺唔覺得自己有呢個傾向，佢地話佢地自己都覺，佢地既解釋係台灣人講野比較客氣，唔會好直接話一樣野唔好，差極都會表達一種「都OK丫」既感覺，費事講到咁盡。我就問咁會唔會有點虛偽，唔好就直接話唔好啦。佢地又話但因為大家都係咁講野，所以基本上佢地分得出個人講既「超美」其實等於「幾美」，「還好」其實等於「一般」。所以之後我都學識將佢地講既野個程度減幾成......雖然佢地既出發點都係出於禮貌同客氣，不過我都係比較喜歡香港人的直接簡單，好就話好，唔好就大大聲話「我覺得唔惦囉！！！」