少女旅行日記

台灣台中 | 鄰近台中火車站 兩大人氣平價酒店大比拼 新驛旅店 VS 達欣商務精品飯店

台中的住宿黎講,新驛旅店同達欣商務精品飯店都係屬於平價又唔錯的選擇。呢兩間酒店好相似,位置、價錢、星級(都係4星)、房間面積都差唔多。今次台中之旅少女就分別住左呢兩間酒店一晚,可以同大家比較一下。
Round One - 鬥方便
兩間酒店同樣鄰近台中火車站,但新驛近後站,而達欣近前站。其實都係同一個站,只係出口唔同,但通常大家落車都會由前站出,而達欣幾乎係近到一出火車站就見到成幢在前面,5分鐘內一定行到。新驛相對就比較遠,後站出左仲要行10分鐘,所以兩間比較達欣會方便一點。
第一回合達欣勝。

Round Two - 鬥房間設計
兩間酒店最唔同可以話就係房間設計,因為新驛走的是卡通路線;達欣就係商務舒適路線。先睇下新驛既房啦,呢間係雙人客房。其實就唔係成間酒店全部房都有卡通,係由6樓到10樓每層都由唔同設計師設計,由走廊到房間都充滿卡通,非常可愛,岩曬少女!成間房感覺好繽紛、好歡欣,連天花板都有公仔架。
達欣我住的是商務套房,感覺比新驛高級一點點,房間以紅白色做主打,感覺優雅又簡潔。
呢兩個房型咁岩面積一樣的,但浴室就會達欣大一點,不過新驛新淨一點,大家都有盥洗用品,所以打和吧。
至於價錢,兩間房都非常接近,都係約港幣$500/晚,每人先$250真係幾抵。但其實呢兩個房型都唔係酒店最平個種,係中等價位房,所以大家仲有得揀更平的!!而房間設施同舒適程度其實都不相伯仲,所以就視乎你鍾意邊種風格。少女就當然係鍾意卡通風啦,真係少女黎架麻,入到房見到牆壁上的公仔就覺得好開心啦,同埋真係特別麻!但記住新驛的卡通房要訂房個時特別要求先有架。
第二回合新驛勝。

Round Three - 鬥早餐
兩間酒店都係訂房包早餐,以選擇黎講達欣會比新驛多一點,因為新驛只有麵包、2款冷盤、5款以內的熱盤、粥同生果,熱盤有蛋、菜、雞扒同炒麵。而達欣就多好多野食,新驛有的佢都有,淨係熱盤都有10幾樣,另外仲有中式點心,如果想多野揀就達欣贏。但係呢,講好食的話新驛就比較好食啦。感覺新鮮d而且熱辣辣,達欣雖然多野食,不過好多熱盤味道一般之餘,仲凍凍地,所以我會寧願揀選擇少但味道較好的新驛。以下的早餐相都是新驛的,因為達欣早餐時間太多人,所以就冇影相嚕。
第三回合新驛勝。

Round Four - 鬥設施與服務
設施黎講,兩間酒店都各自有一間餐廳、會議室同埋洗衣房,大家都冇泳池。唔同既係達欣有健身室;新驛大堂有公用電腦同報紙雜誌。前者應該吸引少少吧?雖然我全部都冇享用到。大家房都有Wifi。另外,達欣有提供收費機場接送服務,台幣$500由酒店去機場,時間約半個鐘就到,呢個我覺得幾好,而新驛係冇的!服務態度黎講兩邊都差唔多,職員都是親切的,所以設施加埋服務總括黎講達欣比較好。
第四回合達欣勝。

四個回合比拼之後,竟然係打和!!所以就話兩間酒店好似呀,但係雖然客觀上比拼係打和,個人都係比較鍾意新驛旅店,既然大家價錢差不多,始終都係新驛的可愛卡通設計比較得少女歡心啊~
新驛旅店(台中車站店)
地址:台中市東區復興路4段133號
交通:台中火車站後站出口行10分鐘
房價:雙人客房約港幣$500/晚(平日)
網址:http://gocityinn.com/

達欣商務精品飯店
地址:台中市中區建國路180號
交通:台中火車站前站出口行5分鐘
房價:商務套房約港幣$500/晚(平日)
網址:http://www.plazahotel.com.tw/

更多台中相關文章

更多台灣相關文章