少女旅行日記

我在台灣花蓮打工換宿的小日子(十三)雨衣少女

我在花蓮兩星期,每日,係每日都落雨,仲係落親都大雨。由頭幾日心情好郁悶,日日都想佢停雨,到後來已經習慣了。我都唔理天氣照出去玩,反正我預左佢一定會落雨,落飽佢。有時朝早或者下晝有一陣陽光就已經好開心,覺得今日賺左!經過呢10幾日大雨,以後旅行落雨打風我都唔會覺得失望架喇。同香港唔同既係,台灣好興著雨衣,因為好多人騎機車,冇理由擔遮開車。香港真係好少人著雨衣,我諗除左細細個著過下便利雨衣小童版之外,真係冇再著過。呢段日子我經常化身雨衣少女出沒,真係好鬼方便,如果返香港著係咪會俾人笑?

更多台灣打工換宿相關文章

更多花蓮相關文章

更多台灣相關文章