搜索

少女旅行日記

求時間變慢 不想急於成長

春嬌救志明裡面,契媽同張志明講:我們不能再當小孩,是時候長大了。呢句對白我好深刻,因為我都係一個拒絕長大的人。

身邊的朋友都開始談論結婚生仔買樓的話題,每次聽聽下就會不自覺地放空,思緒飄到好遠,因為我聽到的全都是責任責任責任成熟成熟成熟現實現實現實。呼,好沈重。

我仲係一個好鍾意去迪士尼的小朋友,正正因為呢度非常超現實。好難得有一個地方,聚集的所有人都好歡欣。我已經黎過好多次,個套4D米奇幻想曲睇左超過10次,劇情同特效都記得曬,但每次都仲係睇得好開心。視覺上跟住唐老鴨飛,聽到身邊有好多大人同小朋友興奮的笑聲,好治癒。今次第一次玩新開的iron man飛行之旅,玩到咿嘩鬼叫,好似真係坐在戰機裡飛上天空打怪獸。在迪士尼要得到快樂好簡單,小朋友拎到張貼紙,大人見到小時候鍾意的卡通人物......迪士尼好多野係假的,但快樂都是真實的。

我好明白,行出城堡穿過小鎮大街之後,現實生活並唔會只遇到單純又可愛的卡通人物,而係有好多戴住假面具,表裡不一,虛偽又奸詐的人。愛情亦唔會好似公主系列一樣總係有完美幸福的結果,而係無盡的離離合合和失望。生命從未如樂園。

終有一日我地都會真正長大,要一點一點扛起從前不願觸碰的責任,要面對不懂應付的難關,但每個人心裡也總有一個永遠不會崩壞的地方,讓你記得最純真的自己。那個你,最低能但最美。