香港真係一個好適合生產ptgf的城市。你知啦大家都好忙架麻，日日返工朝9晚10好平常，食個飯都趕頭趕命，放假淨係想訓覺，邊個仲得閒拍拖？談情？了解一個人？我連自己都冇時間了解呀仲了解你喎。港女又麻煩，食飯唔俾錢就係有公主病，爭住俾錢就係唔俾面睇唔起港男，真係好唔識做囉，仲要花時間氹佢地？打多兩舖機仲開心啦。Ptgf就唔同喇，明買明賣，我俾足錢你俾足面，唔駛花心機估估下，要乜有乜，即時滿足拍拖慾望但又唔駛花精神。夠鐘就準時走人，一秒都唔蝕俾你，名都唔需要記得，快靚正。

但你又知唔知，一段關係最珍貴正正就係個d你唔願意花的時間，了解一個人從來都冇捷徑，只有花時間去溝通去相處。當你一無所有，就只有時間能付出。即使你擁有一切，時間對每個人來說都是奢侈品，少一秒就永遠失去。拍拖係好煩要好多時間，亦冇任何保證，付出唔一定得到相等回報，但拍拖的重點並唔係有人陪你做呢樣個樣，而係一個你鍾意的人拎個心同時間出黎同你溝通，真誠的交流無價。錢能夠買到好多野，包括女朋友、行街食飯睇戲去主題樂園大陸遊甚至上床，但並不包括愛。

狐狸同小王子講：「你在玫瑰身上所花費的時間，讓你的玫瑰花變得如此重要。」

我地之間的一分一秒，都唔係白過，一齊相處個段時光，我地永遠共同擁有。

#我都鍾意食譚仔同m記架食平定貴真係唔緊要最緊要哥哥俾足錢我#like左呢個page所有活動9折係咪抵先#鬱金香扮住玫瑰花先