少女旅行日記

少女旅行日記 三週年

少女旅行日記三週年。呢一年睇住Facebook的reach越來越低,fans多了但每個post like反而少了,心裡多次想放棄。在香港寫字,是一件非常吃力不討好的事情。你認認真真寫十篇文,都不及用美圖獸獸執一執個樣打句早晨那麼受歡迎。呢個社會喜歡的其實只是一些很低俗的東西。間中又會有好多不知所謂的公司或網媒問你可唔可以免費幫佢地寫字。每次我都想反問你又可唔可以免費幫你老細打工?最近認識了不少旅遊記者和blogger前輩,大家都說越寫越少人睇,路只有越行越難,沒有因為資歷和努力變得更容易。其實自己去旅行開開心心舒舒服服就好呀,唔需要影唔想影的相,都唔需要旅途中不停諗呢間店可唔可以介紹,呢個景點有咩值得寫,有咩一定要提大家可以玩得方便一點。唔分享咪玩得仲開心自在。

但神奇地每次想放棄的時候,你們就會突然出現,用各種的方式讓我知道大家都仍然跟我一起旅行,一起成長。每個鼓勵都是摒棄上述想法又再堅持寫下去的理由。三年對三分鐘熱度的少女來說真的好長,人生裡被我中途放棄的事與人多到數不清,但我覺得少女旅行日記應該還會有下個週年紀念日,希望到時你們還是會跟我一起見證。

更多生活碎碎念相關文章