新年流流來說點煽情的話吧。我一年裡沒很多時間見到爸媽，最鍾意周圍走，最唔鍾意返屋企，但新年期間一定在香港，一定同屋企人食飯。我的親戚不算煩，但都總會循例問一問返緊咩工呀有冇拍拖呀，今年我媽搶答：「佢做緊旅行野呀，周圍去寫野賺錢呀。拍拖既野隨緣啦，遲早實會有既。」其實呢，我就唔怕人地問我呢兩個問題既，大家都知我係一個自我仔，我係可以直接答冇返工呀冇拍拖呀（心裡再加一句吹咩）而一臉不在乎，但見到我媽一副想幫我開脫怕我難堪的樣子，又覺得有點感慨同感動。

呢兩年唔返工的日子多過返工，每次我媽whatsapp我第一句一定係問：在不在香港？而通常都係撞正我答在台灣／在日本／在韓國諸如此類。而我爸打電話黎幾乎冇一次我會聽，因為我在外地是不會聽電話的。（還是要這麼理直氣壯嗎）總之在爸媽心目中，呢個女又唔返工又成日唔知走左去邊，簡單黎講養到佢咁大都唔知佢做乜9。寫野賺錢都唔完全係岩，因為事實係都冇賺到咩錢，一早已經洗緊之前返工的積蓄。我好少從爸媽的角度去諗，今日諗一諗，嗯，都真係幾無奈。但，無奈的爸媽每次見到我都仍然笑容滿面，問我近排又去左邊度玩。感謝爸媽的無限包容，從小到大都任由我家三姊弟做自己喜歡的事，過自己想過的生活。這種無為而治的管教方式是我們快樂成長的關鍵。雖然我們對家裡的貢獻真的少之有少，但心底裡還是希望有一天能做些什麼讓爸媽都為我們而驕傲。新年希望大家也多多陪家人。

祝願大家的爸媽以後也安好，新年快樂！