HKTV的導火新聞線真係好好睇。

先說一下，我個人本身非常抽離，好少對一套電視劇／電影有太多感想，但呢套真係好鍾意。

劇中人物是最大特色，個個角色都有血有肉，人物性格非常鮮明，每個人都有自己的經歷與故事，所有情緒同反應都有根有據，呢d先係人黎架麻！

關於記者的故事一直都好少，大台的世界好似只有醫生律師同警察呢幾種職業，但其實記者呢個行業非常有趣，因為新聞是很生活化的事，大部份人都會接觸到同關心，而報導一單新聞可以牽涉好多人，影響力好大，所以報唔報、點樣報、報幾多，會有好多好多掙扎在裡面，思考空間好大，而呢套劇就好成功地將記者呢行的特質呈現出黎，貼近現實，劇情又夠緊湊，睇到我好緊張。

睇完之後對港聞記者這個職業大大加分，個人覺得港聞記者是現今社會比較值得尊敬的職業。以前認為老師、社工、警察、護士都是有意義的工作，從事這些職業的人應該人格也有些保證，應該大多是有愛心和正義感的吧。但，我相信大家現在都知道現實不是這樣。這些工作都有一個共通點，就是人工高，雖然不會發達但起薪點絕對比一般工作高，收入非常穩定，但偏偏入職要求低，至少不需要太高學歷與能力。我當然知道當中不少人是真的因為有愛心、想教育下一代、有熱誠、關心弱勢社群才會選擇以上職業，但純粹貪人工高而入行的一定也很多，根本不是大眾所期望的那種人格保證。而港聞記者出名人工低工時長，付出多回報少，非常辛苦，能夠堅持做這份工，盡力報導真相的記者們應該真的是有正義感、有抱負的吧。

最後又最重要的是，呢套劇的演員做得很好。主角、配角的精湛演技都是這套劇一大亮點。其實大部份演員都是以前在大台很常見的人物，但以前總是被安排做不起眼的小角色，有實力都難以讓人發現。其中一個一定是周家怡啦！！認得她的樣子但完全冇印象以前拍過什麼劇，但來到HKTV做女主角真的好有型！！梁小冰好有霸氣、爛韃韃的王宗堯我也很喜歡！！所以啊，有實力的人，終究會被大家發現，才華一定會有人懂得欣賞的，只是時間的問題。要堅持啊，努力做自己喜歡的事，夢想總會實現的。
圖片來源：HKTV