搜索

少女旅行日記

一個人私奔 這是一場華麗的冒險

每個喜歡旅行既人都一定曾經諗過:有一日我一定要自己去一次旅行!

呢個諗法都已經出現係我腦海中好幾年,但你知啦一個人好似好危險唔識路點算好喎;一個人好似好悶冇人傾偈成日唔講野好辛苦;一個人好似食唔到好多野好可惜啊;一個人好似好難影相影到景點又影唔到自己影到自己又唔知後面係乜;一個人好似好多地方玩唔到冇理由自己去環球影城啫行街我都想有人話我聽件衫靚唔靚買唔買好架;一個人好似咩都貴D單人房又貴D食野冇人share又貴D行到累夾份搭下的士又唔得……(下刪一千萬個理由)所以那個我好瀟灑我自己去旅行我好有型的畫面就一直只在心中出現……直到永遠。

但,舊年11月1號,我忽然又終於自己一個去左新加坡旅行。上面的一千萬個理由消失了嗎?冇喎!仍然存在架!只不過當你終於真係買左機票,你會發現所有看似強而有力的理由都比不上一句「我真係想自己去喎」。係囉,買張機票咋麻!夢想這回事,有時都只不過係上網click兩下買張機票甘簡單咋麻!

去機票網click一click,快人一步理想達到之後,就開始準備第一次一個人的旅程啦!係咪以為一個人去旅行要比平時同朋友去準備更多更多更多野呢?其實唔係喎,係更加少添! 因為一個旅行最好就係自由啊~~我聞到自由的空氣啊~~ 去邊、食咩、搭咩車、幾時去完全自己一個人話事,唔需要遷就其他人又唔需要同其他人夾,真係冇咩需要計劃。到達目的地再視乎當時心情、天氣先決定去邊都可以。當然如果有特別想去的地方,都係出發前搵定資料會比較好啦!

而我當時去新加坡就只準備了三樣重要野。

1)地圖
個人認為一定要有地圖跟身,就算去到目的地先決定去邊玩都要知道點去架麻。唔好以為唔帶地圖好瀟灑,要經常都好清楚自己身處的位置,迷路可以看風光,但都不要太過份,經常花時間去問路很無謂,而且景點不等人,辛辛苦苦終於搵到佢但佢閂左門叫我情何以堪?而最重要係能夠靠自己搵到路,唔需要問人都成功去到目的地會好有滿足感的!!對平時冇乜方向感的人來說滿足感簡直爆登!!

2)訂一間近車站同在大街上的酒店
這個很重要,不單單是為了方便,也為了安全。夜媽媽自己一個(特別係女生)返酒店真係會驚的,返酒店的路越短、越光猛就越好,要經過窄街暗巷的酒店千萬不要揀,多平都不要!!一個人出走已經夠勇敢,唔駛搵命博的。

3)勇氣
最後,帶住一份無論任何人同你講:「下!自己去旅行好危險!」或者「自己去旅行好悶喎!」都阻擋不到你的決心,準備好自己面對旅途上任何挑戰,你就可以出發了!

以前成日覺得一個人旅行係個性好獨立既人先會做的事,但當真係去過之後先發現其實越依賴的人先越岩自己去旅行。如果你平時係冇咩方向感、地圖白痴、拎重野會嬲豬、落雨太凍太熱會黑面、肚餓會發脾氣、盪失路會講粗口的公主病患者,嘩!一人遊簡直係為你而設,你唔係唔試下麻?試想像,在一個叫天不應,叫地不聞的陌生國度,上面講既野一次過發生,你會點?好嬲豬黑面加發脾氣加講粗口?OK架,盡情做啦,你盡情嗌啦,反正都冇人理你。冇人會氹你,冇人會幫你架,除左你自己。當你意識到呢點,你個病已經好左一半。情況有點似小朋友扭計大喊大叫,但大人完全唔理會佢,結局只有一個,就係佢會死死地氣收聲,轉個頭當咩事都冇發生過。我地呢?放低自己的情緒,繼續行,耐心搵路,不知不覺間又會俾其他風景吸引住,直到終於搵到目的地,個種滿足感會令你完全忘記之前病發時的不快。因為你沒有放棄治療,你又是新造的人了!其實你遠比你想像中堅強、聰明、有耐性、叻豬好多。

那次自己一人在新加坡,我學會了欣賞大雨下的風景,也真切體會到雨後一定會放晴。
那次自己一人在新加坡,我學會了迷路看風光,由好緊張轉化成享受隨意亂逛的自由自在,發現路途上隨處都會有驚喜。
那次自己一人在新加坡,我學會了無論怎樣也要硬著頭皮走下去,因為有些美好的風景,只有堅持走才能看得見。
那個依賴無極限的我並不是忽然就消失了,她還在,只是她只會在有人給她依賴的時候才偶然亮相。更多的時候,我們不是公主,而是一個頂十個、天不怕地不怕的女皇。

更多東南亞相關文章

[柬埔寨] 世遺吳哥窟之城暹粒 4日3夜行程 CP值極高酒店+餐廳+按摩推介 簽證+交通+預算
[柬埔寨] 世遺吳哥窟之城暹粒 4日3夜行程 CP值極高酒店+餐廳+按摩推介 簽證+交通+預算
暑假親子遊首選 馬來西亞LEGOLAND 一個樂園多種玩法
暑假親子遊首選 馬來西亞LEGOLAND 一個樂園多種玩法
[清邁] 排名第一法國菜 David's Kitchen 與 超抵食地道泰北菜 Tong Tem Toh
[清邁] 排名第一法國菜 David's Kitchen 與 超抵食地道泰北菜 Tong Tem Toh
[清邁] 不一樣的寺廟 白龍寺 純白無瑕的白廟
[清邁] 不一樣的寺廟 白龍寺 純白無瑕的白廟
[布吉] The Thavorn Beach Village Resort 坐擁私人海灘的五星度假村
[布吉] The Thavorn Beach Village Resort 坐擁私人海灘的五星度假村
[布吉] 慢遊舊城區 必食自家製特色雪糕 300蚊以下的抵住平價少女風住宿
[布吉] 慢遊舊城區 必食自家製特色雪糕 300蚊以下的抵住平價少女風住宿
[布吉] 刺激必玩 飛越森林Zip line 越野四驅車
[布吉] 刺激必玩 飛越森林Zip line 越野四驅車
[布吉] 擁抱藍綠色的大海 皇帝島+珊瑚島浮潛 與魚共游
[布吉] 擁抱藍綠色的大海 皇帝島+珊瑚島浮潛 與魚共游
[檳城] 百年老屋改建 The Edison George Town 懷舊復古酒店呈現檳城花樣年華
[檳城] 百年老屋改建 The Edison George Town 懷舊復古酒店呈現檳城花樣年華
[檳城] 攀上檳城最高點 光大廣場The Top 極離地68樓彩虹天空步道
[檳城] 攀上檳城最高點 光大廣場The Top 極離地68樓彩虹天空步道
[檳城] George Town古城以外 十個趣食物狂想館 Wonderfood Museum
[檳城] George Town古城以外 十個趣食物狂想館 Wonderfood Museum
[檳城] 世界文化遺產古城 George Town喬治城 時光倒流景點巡遊(下)
[檳城] 世界文化遺產古城 George Town喬治城 時光倒流景點巡遊(下)
[檳城] 世界文化遺產古城 George Town喬治城 時光倒流景點巡遊(上)
[檳城] 世界文化遺產古城 George Town喬治城 時光倒流景點巡遊(上)
[華欣] 平價避世度假天堂 5星級Evason Hua Hin Resort 獨霸私人泳池
[華欣] 平價避世度假天堂 5星級Evason Hua Hin Resort 獨霸私人泳池
[華欣] 泰國後花園 華欣三大景點 聖托里尼公園、Swiss Sheep Farm、懷舊小鎮Plearn Wan
[華欣] 泰國後花園 華欣三大景點 聖托里尼公園、Swiss Sheep Farm、懷舊小鎮Plearn Wan
香港航空最新直航 馬來西亞古晉 貓城之旅
香港航空最新直航 馬來西亞古晉 貓城之旅
[峴港] 越南世界文化遺產之旅(下) 時光倒流 漫遊會安古城 連餐廳推介
[峴港] 越南世界文化遺產之旅(下) 時光倒流 漫遊會安古城 連餐廳推介
[峴港] 越南世界文化遺產之旅(上) 迷你吳哥窟 美山聖地
[峴港] 越南世界文化遺產之旅(上) 迷你吳哥窟 美山聖地
[峴港] 海鮮大排檔 Quan Ba Thoi 2 即揀即煮 新鮮美味
[峴港] 海鮮大排檔 Quan Ba Thoi 2 即揀即煮 新鮮美味
[峴港] 好味地道越南菜 峴港必食Lam Vien Restaurant
[峴港] 好味地道越南菜 峴港必食Lam Vien Restaurant
[峴港] A La Carte Beach Hotel 頂層露天酒吧 The Top 擁抱峴港夜景
[峴港] A La Carte Beach Hotel 頂層露天酒吧 The Top 擁抱峴港夜景
[峴港] 多人分享最抵價 超豪華5星級別墅連私人泳池 峴港The Ocean Villas
[峴港] 多人分享最抵價 超豪華5星級別墅連私人泳池 峴港The Ocean Villas
[峴港] 超抵住酒店 每日包免費spa 強烈推薦峴港Sanouva Hotel
[峴港] 超抵住酒店 每日包免費spa 強烈推薦峴港Sanouva Hotel
[峴港] 關於峴港的十件事 簽證慳錢法、貨幣、交通、手信一覽
[峴港] 關於峴港的十件事 簽證慳錢法、貨幣、交通、手信一覽
人家冤枉你平凡悶孩子 新加坡平反文
人家冤枉你平凡悶孩子 新加坡平反文
一個人私奔 這是一場華麗的冒險
一個人私奔 這是一場華麗的冒險