少女旅行日記

峴港

[峴港] A La Carte Beach Hotel 頂層露天酒吧 The Top 擁抱峴港夜景

之前推介左兩間酒店,其實峴港市中心仲有一間酒店我都想住不過今次冇機會,但我都去左呢間酒店的頂層酒吧,景色非常美麗!!推介大家去A La Carte Beach Hotel的23樓酒吧The Top,就算唔係住客都去得架!
A La Carte Beach Hotel離峴港著名海灘「中國海灘」好近,行幾分鐘就到,所以酒店有海景房,酒吧當然亦見到海灘。酒吧位於酒店頂層23樓,同場仲有個infinity pool,夜晚睇落似個裝飾用既普通水池,有唔同燈光,唔算特別,但如果日頭黎游水景色會爭好遠,因為係望住個海同20幾層樓高景色,相信會比夜晚震撼得多。
The Top設計走摩登科幻路線,白色做主色。室內大多是普通膠櫈,室外全部係梳化,一定推介大家坐室外,特別係望海灘個邊,有床墊同枕頭,非常適合懶洋洋攤住睇夜景,氣氛好relax。
酒吧最大賣點就係可以270度欣賞峴港市中心同「中國海灘」景色,好靚!!!但我既夜景攝影技術真係好差......
峴港物價低,酒吧都唔例外,一杯cocktail大約港幣$50,比香港同類型酒吧大概平2/3吧!但我懶新奇揀左杯叫Magic Kingdom的東西,有兩杯野俾你溝埋一杯飲,味道似加左好多好多好多水的荔枝果汁,好難飲......我d frd子飲其他野好似係正常的。
The Top其實都係睇景為主,大家都可以考慮日落時份上黎飲野,同夜晚感覺不同,都好靚。呢張相來自酒店的Facebook page,係咪好正??而酒店房價都合理,2人海景房$600幾,樓下仲有好好味海鮮大排檔(遲d介紹),住呢間酒店都不錯啊~
The Top, A La Carte Beach Hotel
地址:Duong Dinh Nghe, Phuoc My, Son Tra, Da Nang
交通:其實所有峴港景點的交通都係的士
網址:http://alacarteliving.com/

更多峴港相關文章

更多越南相關文章

更多東南亞相關文章