去越南梗係要食當地菜式啦，推介一間環境優美的地道越南菜餐廳俾大家，味道非常不錯，價錢又合理，去峴港一定要去試下！

Lam Vien Restaurant位於一條僻靜的街道中間，一入去有個花園，環境好舒適寫意，餐廳外型係一間小木屋，度假風好濃厚。人多的時候室外呢個花園都可以坐，不過應該好熱。

餐廳裡面都以木材做裝飾，中午時份去人唔多，室內同樣有種寧靜悠閒的感覺。Menu有中文翻譯，在峴港很難得啊，而且都幾多選擇。

今次叫左好多越南地道野食，包括蟹肉栗米湯、豬肉米紙卷、越南春卷、牛肉棒、椒鹽虎蝦、海鮮炒飯同菠蘿炒飯。份份都幾精緻，賣相唔錯，不過就有少少細份，特別係飯。個菠蘿炒飯係成個菠蘿上，唔係得一半，係原隻，好得意！！而味道大多不錯，特別推介豬肉米紙卷，好好味！

特別一提呢度既鮮榨果汁好新鮮好好飲，唔好錯過呀！

埋單每人約$70，在峴港黎講都算貴，但在香港簡直物超所值。推介～

Lam Vien Restaurant
地址：88 Tran Van Du, Quan Ngu Hanh Son, Da Nang
交通：其實所有峴港景點的交通都係的士
營業時間：11:30am-21:30pm
網址：http://lamviendanang.com/