少女旅行日記

峴港

[峴港] 海鮮大排檔 Quan Ba Thoi 2 即揀即煮 新鮮美味

峴港係海港地市,海鮮當然有返甘上下質素,周圍都有好多食海鮮既餐廳。今次推介呢間海鮮大排檔好熱鬧,坐無虛席,似乎係大家的必食之選。呢個大排檔叫Quan Ba Thoi 2,就在之前介紹過的A La Carte Beach Hotel隔離,對面就係中國海灘,所以都算係峴港市中心。
同香港食海鮮既餐廳一樣,呢度都係首先揀左海鮮,之後再講好煮法同價錢,就可以等食啦。其實煮法都冇咩可以揀,因為大家溝通有困難,所以通常係fire/bbq/steam。
今次食左花螺(steam)、虎蝦(bbq)、魷魚(bbq)、蟹(fire)、仲有兩種唔同煮法既峴,一種係steam另一種係fire。樣樣都好新鮮,又好惹味,峴好大隻,fire比steam好味好多,不過特別推介係個炒蟹,個汁係酸辣汁,好開胃,送飯一流。蟹肉又滑又鮮甜,勁好味,一定要叫呢個呀!!
海鮮之外仲可以叫炒菜、炒飯同其他肉類小炒。炒菜同炒飯都唔錯架,記住試下。
至於價錢都幾平,埋單每人$130左右,係香港起碼貴一倍吧?所以非常推介大家黎峴港食海鮮,好抵啊~
不過一路食既時候會不停有人行埋黎sell你買其他野,可能係生果呀可能係扎肉呀甚至賣煙都有,總之好多賣唔同既野小販行埋黎,其實都幾煩架,不過你唔理佢佢都會走既,都算係一種越南特色......

Quan Ba Thoi 2
地址:Hoang Sa, Phuoc My, Son Tra, Da Nang (A La Carte Beach Hotel隔離)
交通:其實所有峴港景點的交通都係的士

更多峴港相關文章

更多越南相關文章

更多東南亞相關文章