搜索

少女旅行日記

[布吉] The Thavorn Beach Village Resort 坐擁私人海灘的五星度假村

泰國在我心目中一直是一個resort天堂。每次去泰國都必需預留最少兩晚住resort,仲要足不出戶,好好享受resort裡的設施同活動先係最理想的假期。布吉就更加係超級超級resort天堂,今次推介一間5星級resort,有私人海灘,多種房型各有特色,超多活動,絕對會住到唔想走。
好多人揀有吉住宿會第一時間諗起芭東海灘附近,但個邊好嘈,我反而唔想住太熱鬧的地方,想擁有一個寧靜假期,The Thavorn Beach Village Resort就正中我心意。酒店離布吉芭東海灘大約20分鐘車程,位於僻靜的Kamala Beach,有一種世外桃源的感覺,但想出去都方便,因為酒店每日提供幾班免費接駁車去芭東,唔需要擔心交通問題。
酒店佔地超廣,先介紹下各種房型啦。酒店個泳池好大好靚,叫Lagoon Pool,係東南亞其中一個最大的freeform泳池。屬於Lagoon Pool Zone其中兩種房型就有泳池景露台,住地下個層係一推開露台個閘就可以直接衝落水,住樓上個層就唔可以,不過各有各好,上層私隱度高少少,下層會成日有人在露台隔離游水,感覺好近。室內房間好大好舒適,有浴缸又有淋浴間。好多resort環境都比較郊外,容易有蚊,所以房間特別提供有電子蚊香同蚊怕水,貼心!我就住上層的,最鍾意露台個景,望住泳池又有好多樹,非常悠閒,夜晚仲有星星睇。上層房Poolside with Bathtub最平由泰幣$3800起,約港幣$950。下層Tropical Pool Access最平由泰幣$5070起,約港幣$1268。
另外有兩種房型係屬於Beach Zone,海灘前的別墅小屋,酒店有私人海灘,海灘前有一排白色小屋好靚,度假風極濃厚!最出個排可以望住個海灘,會貴少少,入面仲有幾排,未必睇到海灘,但都好近,周圍係花園,整個別墅區都好relax。別墅室內設計走柔和風格,最特別係個浴室,超大的石造淋浴間!入面個幾排Beach Cottage房價每晚由泰幣$3770起,約港幣$943。最出的BeachfrontCottage房價每晚由泰幣$6630起,約港幣$1658。
最後一種房型好霸氣,因為在山上的,歸類為Hillside Ocean Facing Zone。特設山頂纜車車你上房!!!好誇張呀酒店有纜車!!!除左纜車,可以選擇坐酒店的tuktuk或者行路上落山,山路是屬於輕鬆的那種。山上的房有種與世隔絕的感覺,非常清靜。室內裝潢有點古典味,大致同泳池露台房相近。最大賣點係個露台,個景不得了,有山有海!連個浴缸都在露台,一邊浸浴一邊睇風景,至高無尚的享受呀。再高級d會係套房,有房有廳個種。山上房的房價每晚由泰幣$3770起,約港幣$943,個人覺得係最抵!以上價錢都是淡季價格, 每年6月到10月就是淡季。
每間房型都各有特別,不過酒店最吸引我係個環境同所有設施。Thavorn Beach Village Resort的老闆特別鍾意花園,所以酒店周圍都種滿花,仲有花園,超級多植物,令整個酒店環境更有大自然氣息,花草系少女每日在花園散步,好開心。酒店仲飼養左幾種小動物,有兔子、貓仔、鸚鵡、巨型龜同雞,有d會任由佢地自由走動,有d就定時由專人帶佢地出黎同住客互動下,有時突然見到隻兔子在spa center慵懶地躺著發呆,就覺得好治癒。小朋友住客一見到小動物就好興奮,小動物令酒店的氣氛更歡樂。
酒店的私人海灘也是很大的賣點,除左游水同曬太陽外,仲可以在海邊學打泰拳同做yoga,酒店的gym room都係對住海灘,所以又可以對住個海跑步做gym,本來平平無奇的活動變成在海邊做即刻level up!酒店仲有浮潛、獨木舟、沙灘排球、學煮泰菜、釣魚、水果雕刻、spa等等活動,好豐富,一定唔會悶,只怕你玩唔曬。仲有個大泳池,環境優美,玩水都有排玩。
如果足不出戶,酒店有咩好食推介呢?酒店總共4間餐廳,我全部都試過,可以逐一介紹。Marisa Terrace Resturant係一間西式泰式的fusion菜餐廳,自助早餐都係呢間食。係高水準,我食過lunch同dinner,都好好食。特別推介Ahi Tuna Poke,係一個夏威夷沙律,有吞拿魚再加芒果粒、牛油果、椰子、夏威夷海鹽同青檬汁的前菜,少少辣,新鮮開胃,食完覺得太好食第二餐又再食。海鮮金邊粉同炒飯都好正。
Old Siam Thai Restaurant食傳統泰國菜,有室內位都有海灘位,夜晚可以食海邊燭光晚餐。泰菜口味盡量保持原有的傳統味道,所以同我地香港食到的不太一樣。有個泰式小食拼盤好食,4種小食都係我從未食過的,一定要試下。仲有個泰式甜品,是迷你版台灣芋圓,再加椰奶,都唔錯。
泳池旁邊有一間Thai Sala Cafe,同一間Crocodile Pool Bar。Cafe有好多泰式飲品,我試左杯the cubes,將泰茶雪做冰粒,再加牛奶,冰粒慢慢融就變左泰式奶茶啦,幾好飲。個香蕉朱古力蛋糕非常好食,回味中。Crocodile Pool Bar就多西式小食,好岩食下午茶。
The Thavorn Beach Village Resort應該係我近年住過最喜歡的一間resort,有時好酒店並唔需要好豪華的設備,整個氛圍比較重要。呢間酒店硬件軟件各方面都出色,員工親切,而且真的不貴,值得推介。順帶一提,酒店網站提供最優惠價格保證,所以官網訂房一定係最低價,仲經常有特價添。

The Thavorn Beach Village Resort
地址:6/2 Moo 6 Kamala, Kathu, Phuket 83150 Thailand
網址:http://www.thavornbeachvillage.com.cn
房價:淡季每晚由泰幣$3770起,約港幣$943

更多東南亞相關文章

[柬埔寨] 世遺吳哥窟之城暹粒 4日3夜行程 CP值極高酒店+餐廳+按摩推介 簽證+交通+預算
[柬埔寨] 世遺吳哥窟之城暹粒 4日3夜行程 CP值極高酒店+餐廳+按摩推介 簽證+交通+預算
暑假親子遊首選 馬來西亞LEGOLAND 一個樂園多種玩法
暑假親子遊首選 馬來西亞LEGOLAND 一個樂園多種玩法
[清邁] 排名第一法國菜 David's Kitchen 與 超抵食地道泰北菜 Tong Tem Toh
[清邁] 排名第一法國菜 David's Kitchen 與 超抵食地道泰北菜 Tong Tem Toh
[清邁] 不一樣的寺廟 白龍寺 純白無瑕的白廟
[清邁] 不一樣的寺廟 白龍寺 純白無瑕的白廟
[布吉] The Thavorn Beach Village Resort 坐擁私人海灘的五星度假村
[布吉] The Thavorn Beach Village Resort 坐擁私人海灘的五星度假村
[布吉] 慢遊舊城區 必食自家製特色雪糕 300蚊以下的抵住平價少女風住宿
[布吉] 慢遊舊城區 必食自家製特色雪糕 300蚊以下的抵住平價少女風住宿
[布吉] 刺激必玩 飛越森林Zip line 越野四驅車
[布吉] 刺激必玩 飛越森林Zip line 越野四驅車
[布吉] 擁抱藍綠色的大海 皇帝島+珊瑚島浮潛 與魚共游
[布吉] 擁抱藍綠色的大海 皇帝島+珊瑚島浮潛 與魚共游
[檳城] 百年老屋改建 The Edison George Town 懷舊復古酒店呈現檳城花樣年華
[檳城] 百年老屋改建 The Edison George Town 懷舊復古酒店呈現檳城花樣年華
[檳城] 攀上檳城最高點 光大廣場The Top 極離地68樓彩虹天空步道
[檳城] 攀上檳城最高點 光大廣場The Top 極離地68樓彩虹天空步道
[檳城] George Town古城以外 十個趣食物狂想館 Wonderfood Museum
[檳城] George Town古城以外 十個趣食物狂想館 Wonderfood Museum
[檳城] 世界文化遺產古城 George Town喬治城 時光倒流景點巡遊(下)
[檳城] 世界文化遺產古城 George Town喬治城 時光倒流景點巡遊(下)
[檳城] 世界文化遺產古城 George Town喬治城 時光倒流景點巡遊(上)
[檳城] 世界文化遺產古城 George Town喬治城 時光倒流景點巡遊(上)
[華欣] 平價避世度假天堂 5星級Evason Hua Hin Resort 獨霸私人泳池
[華欣] 平價避世度假天堂 5星級Evason Hua Hin Resort 獨霸私人泳池
[華欣] 泰國後花園 華欣三大景點 聖托里尼公園、Swiss Sheep Farm、懷舊小鎮Plearn Wan
[華欣] 泰國後花園 華欣三大景點 聖托里尼公園、Swiss Sheep Farm、懷舊小鎮Plearn Wan
香港航空最新直航 馬來西亞古晉 貓城之旅
香港航空最新直航 馬來西亞古晉 貓城之旅
[峴港] 越南世界文化遺產之旅(下) 時光倒流 漫遊會安古城 連餐廳推介
[峴港] 越南世界文化遺產之旅(下) 時光倒流 漫遊會安古城 連餐廳推介
[峴港] 越南世界文化遺產之旅(上) 迷你吳哥窟 美山聖地
[峴港] 越南世界文化遺產之旅(上) 迷你吳哥窟 美山聖地
[峴港] 海鮮大排檔 Quan Ba Thoi 2 即揀即煮 新鮮美味
[峴港] 海鮮大排檔 Quan Ba Thoi 2 即揀即煮 新鮮美味
[峴港] 好味地道越南菜 峴港必食Lam Vien Restaurant
[峴港] 好味地道越南菜 峴港必食Lam Vien Restaurant
[峴港] A La Carte Beach Hotel 頂層露天酒吧 The Top 擁抱峴港夜景
[峴港] A La Carte Beach Hotel 頂層露天酒吧 The Top 擁抱峴港夜景
[峴港] 多人分享最抵價 超豪華5星級別墅連私人泳池 峴港The Ocean Villas
[峴港] 多人分享最抵價 超豪華5星級別墅連私人泳池 峴港The Ocean Villas
[峴港] 超抵住酒店 每日包免費spa 強烈推薦峴港Sanouva Hotel
[峴港] 超抵住酒店 每日包免費spa 強烈推薦峴港Sanouva Hotel
[峴港] 關於峴港的十件事 簽證慳錢法、貨幣、交通、手信一覽
[峴港] 關於峴港的十件事 簽證慳錢法、貨幣、交通、手信一覽
人家冤枉你平凡悶孩子 新加坡平反文
人家冤枉你平凡悶孩子 新加坡平反文
一個人私奔 這是一場華麗的冒險
一個人私奔 這是一場華麗的冒險