（一）
歐遊最後悔的是冇帶泳衣。冇諗過行程會去到沙灘麻。但邊個話游水一定要去泳池沙灘呢？原來街上每條河每個湖都可以用黎游水！歐洲人隨意落水的程度就好似你路過大埔林村河、沙田城門河同維港都見到有人好開心游緊水玩緊橡皮艇。我知，人地d水唔係藍色就綠色，仲乾淨過香港人飲既鉛水，梗係話游就游啦。但歐洲人又真係好值得擁有呢種天然環境，佢地識得愛護環境，而且隨意同率性既特質好閃亮。有日路過河邊就見到呢個伯伯準備跳河。 Uncle, you seem like fun!

（二）
有一日等車的時候遇到一個德國人，大家都係去國王湖，我話我去遊湖，佢話佢去行山，行3個星期。What?! Yes, 3 weeks. 點解要行咁耐？行山唔只由一個地方行去另一個地方，要感受呀，行下睇下風景，3星期唔耐。 睇一睇佢個背囊，只係一個比outdoor大少少既背囊，佢話佢冇乜野要帶，衫可以洗。 食物呢？In my heart. 下up乜spring？！佢話總之唔會餓死。 咁又真喎。 放低身外物，隨心而行。 只要你願意做，世界大得可以容納所有夢與想。