日本迷召集！近期不停俾大家的日本櫻花相洗版，令難得在港的少女非常葡萄！（我知我平時都成日令你地好葡萄既......打和囉）日本真係一個勁正的國家，今次我搵到個好地方想推介俾大家，可能大家比較少聽，但好值得一去架，就係位於本州中國中央的岡山縣。
岡山縣可以話係日本人的後花園，有好多自然美景，唔同季節去欣賞櫻花、紫藤、紅葉都好good fit！推介景點包括：旭川櫻花道、岡山後樂園、津山城鶴山公園同賴久寺庭園等等，日本園林風光無限好，岩曬想遠離煩囂的旅人。
而去日本就梗係唔少得浸溫泉啦！岡山縣北部美作溫泉聞名全日本，有「美人湯」之稱，據說浸完可以令肌膚變得幼滑，仲唔係為我地一班少女而設？而湯原、奧津、湯鄉呢三個溫泉更被譽為「美作三湯」，浸完真係中女都變少女呀！
位於西日本中央的岡山縣去其他地區都好方便，往東面坐JR途經姬路、神戶直達大阪只需約一個鐘；向南可以欣賞壯觀既瀨戶大橋直踩四國香川縣，又或者去鳴門海峽睇漩渦奇觀，一個旅程輕輕鬆鬆鄧梓峰可以去到好多地方，由岡山縣出發，玩盡日本冇難度！
岡山縣仲有個特別稱號叫「晴天之國」，點解？因為呢度全年雨量少，據統計一年有多達277日係晴天！香港航空最近開通來往香港及岡山縣航線，仲每日都有航班，係全港獨家直航，3個半鐘就帶你去到呢個晴天之國啦。一齊跟我呢個陽光少女搭香港航空去岡山縣玩啦！
http://bit.ly/1NKAS78