每個城市都有一個屬於自己的地標，大阪就一定係大阪城天守閣啦！（呢句開場白hea到呢...... ）

其實也沒什麼特別好介紹，就係一個幾好hea的公園。天守閣本尊真係幾宏偉幾有型，少不免瘋狂幫佢影相，從唔同角度影左幾十張......但說到要入去參觀麻，我就興趣不大了。以我所知都係睇下日本的歷史野，即係香港少女最沒興趣的東西......哈哈。入場費600YEN。隔離仲有個大阪市立博物館，我都冇入去睇啦。

我比較喜歡大阪城公園的環境，去個日風和日麗，紅葉開左少少，銀杏又開左少少，影左好多靚相。而且呢度氣氛好熱鬧，除左遊客外，都有好多日本本地學生成班人黎參觀，大家著曬校服追追逐逐大笑大叫，青春到呢。又有好多kawaii小學生黎寫生，令我想起小時候跟學校去彭福公園、科學館等地方參觀的興奮。旅程中找個早上來閒逛，睇下風景、望下遊人、影下靚相、食下零食，就係寫意假期的典範。

大阪城天守閣
地址:大阪市中央區大阪城1番1號
交通:地鐵大阪城公園站行5分鐘
開放時間:星期一至日 9:00-17:00 (最後入場時間16:30)
票價: 600YEN
網址: http://www.osakacastle.net/