今年香港國際機場有新Lounge開幕，屬於Plaza Premium Group旗下的Plaza Premium First（環亞優逸庭）於7月正式開放，位置就在機場T1的一號登機閘口旁邊。相信大家對呢個機場貴賓室品牌都唔陌生，Plaza Premium Group 已經連續3年獲得Skytrax Best IndependentAirport Lounges第一名，可能大家都去過同集團另一間機場貴賓室Plaza Premium Lounge，不過今次新開幕的就完全係升級版，提供更高級同貼心的個人化服務。

Plaza Premium First的餐飲服務非常高水準，有別於一般機場貴賓室大多提供自助餐，貴賓室餐廳Primo採用半自助形式，沙律、開胃菜、小食、湯等是自助的，另外設有單點主菜menu，有幾款環球美食可以選擇。我試過3主款主廚推介，包括未來素肉漢堡包伴番薯條、波士頓龍蝦意粉配龍蝦醬汁，以及家鄉滷水鵝肉併滷水蛋配絲苗白飯。第一次食素肉漢堡包，質感同一般的肉非常相似，但味道比肉淡一點，非常不錯。個人最喜愛是家鄉滷水鵝肉，滷水好入味，拌飯一流，超級推介。

主菜其他選擇仲有牛肉石鍋拌飯、泰式青咖哩雞、All day breakfast等。另外想食香港地道的美食，可以點招牌港式魚蛋河粉、生滾滑雞粥同香滑蒸腸粉，完全就是家的味道。

小朋友都有3款兒童餐揀，食具是米奇老鼠，好可愛！

食物之外，飲品同樣有驚喜！AeroBar提供各種酒類，紅白酒同啤酒就太基本啦，最特別是有一系列威士忌選擇，部份更加為免費供應，好罕有，威士忌迷真的不能錯過。不好酒的仲有好多無酒精特色飲品慢慢揀，Plaza Premium First有唔少跨品牌合作，例如可以試試與新加坡品牌 TWG 合作提供的茶製飲品，又或來自意大利的Lavazza香濃咖啡，我就覺得杯welcome drink wake me up好清新同醒神，用新加坡荼、橙汁、百里香調製，再加入少量辣味，特別又好飲！AeroBar仲有個甜品專櫃，甜品都是任食的，款式多又好好食，好開心啊！（飽）

Plaza Premium First超過8000呎，環境優雅又寫意，由著名香港設計師陳德堅精心設計，以「遠離煩囂」為設計概念，主要採用大自然色系，令人特別放鬆，可以好好休息。除了餐飲服務，仲有淋浴間可以沖涼，同埋每人享有10分鐘肩頸按摩，我已經幫大家親身試過，按摩師傅手勢好好，仲識穴位按摩，做完可以疲勞盡消，但得10分鐘太短啦……哈哈。

以前覺得要入機場貴賓室要非富則貴，但其實而家好多收費都好親民同平易近人，特別是有某幾張信用卡都提供免費使用貴賓室服務。Plaza Premium First每日24小時開放，按時間收費，大家可以參考一下：3小時港幣880元 / 5小時港幣980元 / 8小時港幣1080元 / 10小時港幣1180元。如果本身大家已經有指定信月卡可以免費進入Plaza Premium Lounge，就只需要額外加$200升級進入Plaza Premium First，享用貴賓室3小時，好抵！