我地成日話旅行有咩好有咩好，但其實有時旅行會不自覺造成好多浪費，其中一種經常遇到係住酒店個時好多日用品都只係用一、兩次就扔，所以盡可能我都會自己帶要用既日用品，減少浪費。去旅行有環保意識好重要，每人都應該做少少去保護我地既環境，而選擇一間有環保認證既酒店就更有意思。
近年德國萊茵TUV積極發展環保酒店認證計劃，從多方面去評估一間酒店係咪符合專業環保標準，大力推動全球環保住宿。香港暫時有兩間酒店獲得環保認證，其中一間係儷凱酒店，唔單止提供舒適住宿環境，實行環保經營理念，更加重視社會責任，包括支持香港既慈善機構及與社會企業攜手合作舉辦活動。
以後去旅行揀酒店不妨留意下佢地對環保既支持程度，做個環保旅遊達人，地球靠你地啦！