搜索

少女旅行日記

[鳥取] 日本新鮮遊 鳥取縣好食、好玩、好住推介

日本大家都成日去,去得太多亦都開始想尋找新鮮的縣市玩,今次就帶大家去日本本州西部山陰地區的鳥取縣發掘一下好食、好玩、好住的推介。由香港去鳥取,可以乘搭香港航空直航到米子機場,大約3個半鐘航程,不用轉機好方便。
鳥取砂丘
鳥取最為人熟悉的景點應該就是全日本最大的砂丘-鳥取砂丘。位於鳥取東部,面臨日本海,砂丘風景非常美,超級遼闊,而且有幾種活動可以玩,包括滑翔傘、單車同埋滑沙。
砂丘旁有幾間報名的店舖,我今次試左滑沙,3000yen可以玩兩個鐘,即港幣$210左右。報完名揀一塊滑板,拎埋頭盔就跟教練行去砂丘,睇教練示範同講解安全守則,之後就可以開始啦!大家可以選擇坐或企,開頭如果驚驚地,就試下坐住滑板望住個海衝落去先,感受過之後就試下企係度衝,好好玩的,推介推介!
呢度仲有駱駝,不過同佢地影相要俾錢,100yen企隔離合照,500yen騎住影相,都不貴。附近還有「砂的美術館」,可以欣賞很多砂雕作品。
境港市
鳥取的境港市是一個鬼太郎世界,由出JR車站開始,就會見到無數鬼太郎,每個角落都有,大至JR列車,細至一張貼紙,還有的士、電話亭、街燈、招牌、銅像......全部都是鬼太郎!!!畫鬼太郎的漫畫家水木茂san在境港長大,所以境港就被打造成鬼太郎之城。本身我對呢套卡通冇咩印象,但因為我有個好朋友佢以前d蔭好長,影相成日遮住半隻眼,我地成日笑佢係鬼太郎,所以我又覺得呢隻卡通好有親切感好得意。
境港JR站一出就可以去水木茂大道散步,沿途有好多精品店,除左賣大量鬼太郎東西之外,本身店舖設計都好有特色,有點古色古香。一路上都有很多妖怪銅像,都有好多影相位。
行行下有間妖怪神社同埋妖怪樂園,仲有水木茂紀念館,裡面有他的手稿、生平事蹟、鬼太郎故事和人物介紹、模型等等。仲有機會見到人扮的鬼太郎同其他卡通角色添!
鬼太郎真的好威,好似冇咩卡通人物會紅到成條街都係,連米子機場都有好多佢的蹤影,甚至個名都改埋做米子鬼太郎機場啊!
鍵掛峠、木谷沢渓流、鳥取花迴廊
喜歡自然景色的也很適合來鳥取,首先推介海拔910米的鍵掛峠展望台,能夠見到大山的背面,大山是日本名峰之一,都是鳥取最著名的山,有「伯耆富士」之稱,即鳥取的富士山意思,可見其地位之高啊。如果紅葉時期來風景會更美,但現在都不錯。
另外還有木谷沢渓流,隱世的森林溪流美景,環境非常寫意,令人心曠神怡,都值得一訪。
還有位於西伯郡南部町的鳥取花迴廊,是西日本最大的花園,佔地59公頃。一年四季都有不同花可以觀賞,有溫室,聖誕前後有大規模的燈飾,反正就是不同季節有不同風景。特別推介是花之丘,一大片花海的背景正是大山呢!這3個景點可以安排在同一天去。
鳥取吃什麼
大山黑牛
知道大家都好鍾意去日本食和牛,可能比較常聽宮崎同神戶牛,但原來鳥取縣的和牛都好勁!今年「第11回全国和牛能力共進会7区肉牛部門」就係由鳥取縣的大山黑牛獲得第一位!!!想食到日本第一的和牛,可以去米子市一間叫強小亭的燒肉店,個名好得意,和牛超級好食!肉質嫩滑,入口好快就溶化,好正!!!一人份約9000yen,包3個人氣部位加3個稀有部位,仲有野菜、沙律、牛肉飯等等,呢個價錢食呢個質素一點都不貴,食完超滿足。

鳥取仲有樣必食的海鮮,就是蟹!!佢地的蟹出產量比北海道多幾倍,所以有個別名叫蟹取縣,食蟹一定要黎鳥取!紅楚蟹同松葉蟹都好好食,紅楚蟹9-6月當造,所以除了暑假,其他時間都可以食到。松葉蟹高級點就只有11-3月當造。冬天來就兩種蟹都食到,我已經幫大家試過味啦,勁鮮甜,食到停唔到,有晚自助餐我食左成20隻蟹腳,仲有蟹湯蟹粥......食到我覺得自己會變成一隻蟹。
鳥取的境港漁港每朝都有海鮮拍賣,7點鐘就會開始,現場有超多岩岩捕獲返黎的蟹,有d超大隻!一群買家會寫紙仔出價,拍賣過程都幾安靜,如果遊客有興趣睇,300yen就可以入場睇,即係港幣$21,仲睇到漁港日出添!
山菜料理
前文也說了鳥取有很多僻靜的世外桃源,其中智頭町是其中一個。秋季的樹有黃有紅,全部生得好高,還有河川與名為天空之滝的瀑布,環境如詩如畫。而森林裡的三滝園無菜單山菜料理 Mitaki是一間很古式的餐廳,被森林包圍,地下還有用柴起火的爐。食的全是新鮮採摘的野菜和天然材料,清新又健康,環境與食物100%配襯,非常寫意,記住山菜套餐要預約。網址:http://ashidumitakien.jp/
大力推介的酒店
今次在鳥取住了一間非常喜歡的日式酒店,境港JR站一出就已經見到,行一分鐘就到的御宿野乃。3大重點:一是房間是日式設計,但不是睡塌塌米,好多木造家具,有點無印的style,好精緻溫馨。房面積不算大但需要的設備都齊全,張床同張被都超舒服,總之成間房都令人好自在,好鍾意,沒什麼可挑剔。酒店只開幕了兩年,所以好新淨。
第二是12樓天台有露天溫泉,夜晚可以見到燈光閃閃的境港市夜景,好好feel,一定要上去浸溫泉。*溫泉相片來自官網
第三是早餐有刺身!!大加分,有甜蝦、三文魚、三文魚子、烏賊、蟹肉、吞拿魚蓉......可以自製魚生飯,好新鮮好好味,其他食物都唔錯。還有,每晚10點至11點酒店都提供免費拉麵!!!但我晚餐食太飽了所以沒有食,但有拉麵做宵夜真的太好了!
全名比較長,是天然溫泉境港夕凪之湯御宿野乃,Agoda房價很平,雙人房連早餐一晚只需約港幣$500!非常推介的酒店!
官網:http://www.hotespa.net/hotels/sakaiminato/

更多日本相關文章

[大阪] 由大阪玩到名古屋 日本中部金澤、白川鄉、高山、新穗高、下呂 全程交通安排
[大阪] 由大阪玩到名古屋 日本中部金澤、白川鄉、高山、新穗高、下呂 全程交通安排
[九州] 近距離觀賞震撼世界級活火山 熊本阿蘇火山、草千里與大觀峰一日遊交通安排
[九州] 近距離觀賞震撼世界級活火山 熊本阿蘇火山、草千里與大觀峰一日遊交通安排
[九州] 暢遊北九州市 小倉和服與傳統抹茶體驗 感受門司港懷舊建築風情
[九州] 暢遊北九州市 小倉和服與傳統抹茶體驗 感受門司港懷舊建築風情
[九州] 日本湧泉量第一 溫泉之都別府 八大特色溫泉 必嚐地道蒸氣海鮮
[九州] 日本湧泉量第一 溫泉之都別府 八大特色溫泉 必嚐地道蒸氣海鮮
[九州] 熊本市區一日遊 必去熊本城及熊本熊部長辦公室 初嚐馬肉料理 地點極方便住宿推介
[九州] 熊本市區一日遊 必去熊本城及熊本熊部長辦公室 初嚐馬肉料理 地點極方便住宿推介
[九州] 佐伯市特色住宿體驗 住進當地農民的家 感受熱情又溫馨招待
[九州] 佐伯市特色住宿體驗 住進當地農民的家 感受熱情又溫馨招待
[九州] 沿海佐伯市 人氣地道壽司店推介 + 即拆即食新鮮海膽
[九州] 沿海佐伯市 人氣地道壽司店推介 + 即拆即食新鮮海膽
[九州] 隱世小島深島 與過百喵星人為伴之可愛貓島
[九州] 隱世小島深島 與過百喵星人為伴之可愛貓島
[九州] 佐伯宇目 藤河內谷刺激溪降漂流 再到訪可愛龍貓巴士站
[九州] 佐伯宇目 藤河內谷刺激溪降漂流 再到訪可愛龍貓巴士站
[九州] 遠離煩囂的大分縣佐伯市 著傳統和服漫遊寧靜歷史文學之道
[九州] 遠離煩囂的大分縣佐伯市 著傳統和服漫遊寧靜歷史文學之道
[岡山] 日本晴天之國 岡山玩樂與購物景點 溫泉旅館推介
[岡山] 日本晴天之國 岡山玩樂與購物景點 溫泉旅館推介
[鳥取] 日本新鮮遊 鳥取縣好食、好玩、好住推介
[鳥取] 日本新鮮遊 鳥取縣好食、好玩、好住推介
[京都] 少女追楓記 漫天紅葉下的嵐山天龍寺 同場加映紅葉與奈良小鹿
[京都] 少女追楓記 漫天紅葉下的嵐山天龍寺 同場加映紅葉與奈良小鹿
[大阪] 心齋橋人氣之選 美國直送啖啖肉龍蝦三文治 Luke's Lobster
[大阪] 心齋橋人氣之選 美國直送啖啖肉龍蝦三文治 Luke's Lobster
[九州] 福岡10分鐘走進避世小島 入秋限定 能古島波斯菊花海
[九州] 福岡10分鐘走進避世小島 入秋限定 能古島波斯菊花海
[九州] 日本女性票選NO1最想去的溫泉區 由布院兩天遊 溫泉旅館推介+JR列車由布院之森
[九州] 日本女性票選NO1最想去的溫泉區 由布院兩天遊 溫泉旅館推介+JR列車由布院之森
[東京] 海岸古都鎌倉一日遊 必食世界第一 bills pancake
[東京] 海岸古都鎌倉一日遊 必食世界第一 bills pancake
[東京] 在森林和原野 輕井澤兩天遊 慳錢交通、景點及酒店推介
[東京] 在森林和原野 輕井澤兩天遊 慳錢交通、景點及酒店推介
[北海道] 星野渡假村 玩樂設施及景點篇 必看壯觀雲海與水之教堂
[北海道] 星野渡假村 玩樂設施及景點篇 必看壯觀雲海與水之教堂
[北海道] 夏日北海道玩樂之旅 豪華住宿享受 星野渡假村 客房及餐廳篇
[北海道] 夏日北海道玩樂之旅 豪華住宿享受 星野渡假村 客房及餐廳篇
香港航空最新直航 日本岡山縣 晴天之國
香港航空最新直航 日本岡山縣 晴天之國
Marry Me 婚嫁雜誌專欄 - 媽,我想旅行......結婚
Marry Me 婚嫁雜誌專欄 - 媽,我想旅行......結婚
[京都] 天氣不似預期的世界文化遺產之旅 清水寺與金閣寺
[京都] 天氣不似預期的世界文化遺產之旅 清水寺與金閣寺
[京都] 除了鳥居還是鳥居 伏見稻荷大社
[京都] 除了鳥居還是鳥居 伏見稻荷大社
[京都] 唯美小鎮 漫步綠茶之鄉宇治
[京都] 唯美小鎮 漫步綠茶之鄉宇治
小朋友看世界
小朋友看世界
[大阪] 一個大阪只有一個大阪城
[大阪] 一個大阪只有一個大阪城
[大阪] 屬於大阪的地道市場 黑門市場三大必食之選
[大阪] 屬於大阪的地道市場 黑門市場三大必食之選
[大阪] 心齋橋Eggs'n Things 超巨型pancake
[大阪] 心齋橋Eggs'n Things 超巨型pancake
[大阪] 心齋橋必逛小店 女生專屬的wonderland Alice on Wednesday
[大阪] 心齋橋必逛小店 女生專屬的wonderland Alice on Wednesday
[大阪] 天保山室內動物園 親親小動物與草泥馬
[大阪] 天保山室內動物園 親親小動物與草泥馬
[日本] 十個日本生活日常小發現
[日本] 十個日本生活日常小發現