搜索

少女旅行日記

[首爾] 韓冬最浪漫之地 南怡島 + 小王子法國村

12月頭韓國落初雪,即刻提醒我一定要快快寫好呢篇遊記。去年冬天在首爾街頭第一次看到落雪,超級興奮。而最難忘的係在南怡島被一片白茫茫的雪景包圍,真係好靚好靚好靚。如果你冬天去首爾,一定一定一定要去南怡島。而因為<來自星星的你>而變得受歡迎的景點-小王子法國村,在南怡島附近,所以都可以順便去埋。
由首爾市中心去南怡島係有少少遠,大概一個半鐘的車程。地鐵去到清涼里站再轉京春線列車去到加平站。之後我就選擇搭的士去到碼頭,其實仲可以揀搭一架「加平巡迴觀光巴士」,一樣可以去到碼頭,而且架巴士仲可以去到小王子法國村添。除左要睇住班次時間麻煩少少外,搭巡迴觀光巴士係幾抵的,$5000 WON一日任搭。的士就10分鐘左右就到,$3600WON。
而去到碼頭之後再入島既方法有兩種,一種係超刺激玩飛行鋼索衝入島,另一種係安安靜靜坐船入去。我見到有人玩飛行鋼索,都真係幾高下,下面係湖,嗯......我希望將來終於會有一次可以夠膽玩飛行鋼索衝入南怡島,但未訓練到膽量前,都係乖乖坐船吧啦。來回船費8000WON,船程約10分鐘,湖上風光也很不錯。水上有冰塊,好有坐破冰船的感覺!
入到島就係無盡的杉木同雪地,影相影相影相。如果你問島上有咩玩,其實就冇咩既,好似有得租單車,但冬天就唔建議踩啦。我覺得淨係睇景玩雪已經好開心好開心。行行下會間中見到d雕像、小型展覽館同好多<冬日戀歌>劇照......(是韓劇的元祖級代表吧,據說係呢套劇令南怡島火紅起來)有緣的話仲會見到得意松鼠!!
島上有幾間餐廳,都係食韓式料理,分享一件趣事就係我地食野個時,隔離枱坐住一班飲酒飲到極度抗奮的韓國叔叔,佢地無啦啦請我地飲米酒同食泡菜煎餅,仲送左兩枝酒俾我地話係Korean Gift,又對住我地不停講韓文,我地淨係識陪笑同講come sa me da,好好笑!!丫,韓國米酒都幾好飲架!
個雪景真係浪漫到呢!!黎拍拖應該會好開心呢。(怎麼好像有酸溜溜的聲音......)如果去南怡島,秋天同冬天係最適合。秋天會勁多紅葉同黃色銀杏,係另一種浪漫!夏天似乎唔太特別。但大家冬天黎記住著夠衫,真係超凍架!
大概行左兩個幾鐘,留下一句「I will be back」就搭返船走啦。出返碼頭會見到間7仔,對面就係巡迴觀光巴士站,可以搭返去地鐵站,又可以搭去小王子法國村,半個鐘就到。實不相瞞,我都係因為都敏俊si先想黎小王子法國村。(港女呀港女)入場費8000 WON。
呢度既設計真係好童話又好夢幻,好有歐洲小鎮風情。(人地都話左係法國村......)甘有咩睇呢?有法國古老大宅參觀、歐洲工藝品展覽、小王子故事的角色雕像、小王子壁畫同cafe,指定時間在小廣場有扯線木偶同打擊樂表演。呢度仲有住宿提供,冇人住的時候房間會開放參觀,我覺得間房好有外國鬼片個種兩層古老大宅的感覺......(唔好意思我係咪破壞左氣氛?)好懷疑究竟有冇人會特登訂呢度既住宿......附近好荒蕪喎!!韓國人當黎郊外度假可能OK既。法國村地方唔大,行下影下相一個鐘左右已經行曬,愛夢幻或小王子的少女黎應該會幾開心。(特別鳴謝好友小何提供以下幾張靚相,因為我覺得佢影既靚過我個d好多......)
我家裡有小王子的故事書,數年前睇過一次,成個故事的感覺好寂寞,唔算太喜歡。據說唔同年紀睇會有唔同感覺,所以我打算再睇多一次。你地又鍾唔鍾意呢個故事?

行完之後門口又可以搭返巡迴觀光巴士去地鐵站,不過今次最近的站係清平站,唔係之前去南怡島的加平站,但總之有地鐵站就好易出返市區啦。基本上去完南怡島同小王子法國村已經冇左大半日,有人會再去多一個在附近的景點,叫晨靜樹木園,又係巡迴觀光巴士會去到,但一聽個名就知道係個同樹木&花草傾偈的地方......丫,都夜喇,東大門d舖差唔多開門,我都係時候返市區行街喇,下次有機會先去打搞d花草啦......BYE~~

小王子法國村
地址:京畿道加平郡清平面湖畔路1063
開放時間: 每日09:00 - 18:00 (星期5 & 6 開到20:00)
票價: 8000 WON
網址: www.pfcamp.com

更多韓國相關文章

[濟州] 濟州首個大型度假區神話世界 酒店、餐廳、主題樂園合集
[濟州] 濟州首個大型度假區神話世界 酒店、餐廳、主題樂園合集
[濟州] 擁抱熱情的島嶼 夏日濟州景點全集+包車資訊 韓國人度假首選
[濟州] 擁抱熱情的島嶼 夏日濟州景點全集+包車資訊 韓國人度假首選
[首爾] 秋季必遊 首爾天空公園 無盡的芒草世界
[首爾] 秋季必遊 首爾天空公園 無盡的芒草世界
[首爾] 秋季紅葉之旅 韓國最火紅名山 KKday內藏山一日遊
[首爾] 秋季紅葉之旅 韓國最火紅名山 KKday內藏山一日遊
[首爾] 蟹膏超豐盛的醬油蟹 新沙站元祖馬山辣炖鮟鱇魚店 杜如風的推介
[首爾] 蟹膏超豐盛的醬油蟹 新沙站元祖馬山辣炖鮟鱇魚店 杜如風的推介
[首爾] 韓國普羅旺斯 Heyri文化藝術村 韓劇迷必遊的南法小鎮
[首爾] 韓國普羅旺斯 Heyri文化藝術村 韓劇迷必遊的南法小鎮
[首爾] 跟住KLOOK去旅行 首爾近郊浪漫一日遊 小瑞士村 X 香草島樂園
[首爾] 跟住KLOOK去旅行 首爾近郊浪漫一日遊 小瑞士村 X 香草島樂園
首爾黎講呢 識去一定係同好姊妹去
首爾黎講呢 識去一定係同好姊妹去
[首爾]  一日逛盡傳統與現代景點 三清洞+北村韓屋+景福宮+仁寺洞
[首爾] 一日逛盡傳統與現代景點 三清洞+北村韓屋+景福宮+仁寺洞
[首爾] 韓國地道小食天堂 首爾廣藏市場
[首爾] 韓國地道小食天堂 首爾廣藏市場
[釜山] Crown Harbour Hotel 超值、舒適、方便的新酒店推介
[釜山] Crown Harbour Hotel 超值、舒適、方便的新酒店推介
[首爾] 你瘦夠了嗎 我們吃肉吧 24小時營業的Two Two炸雞 宵夜Call我
[首爾] 你瘦夠了嗎 我們吃肉吧 24小時營業的Two Two炸雞 宵夜Call我
[首爾] 貪心的人有福了 新村八色五花烤肉 八種口味胃口大滿足
[首爾] 貪心的人有福了 新村八色五花烤肉 八種口味胃口大滿足
[首爾] 穿越時空第二擊 入住百年歷史傳統韓屋 尚宮娘娘都係訓地下大
[首爾] 穿越時空第二擊 入住百年歷史傳統韓屋 尚宮娘娘都係訓地下大
[首爾] 穿越時空第一擊 化身15分鐘尚宮娘娘 仁寺洞韓服體驗
[首爾] 穿越時空第一擊 化身15分鐘尚宮娘娘 仁寺洞韓服體驗
[釜山] 最期待的釜山景點 甘川洞文化村 遍佈山頭的彩虹屋仔
[釜山] 最期待的釜山景點 甘川洞文化村 遍佈山頭的彩虹屋仔
[釜山] 隱秘好味道 釜山烤豬肋骨 嫩滑超多汁食不停口
[釜山] 隱秘好味道 釜山烤豬肋骨 嫩滑超多汁食不停口
[釜山] 寧靜賞櫻秘點 南川洞櫻花街
[釜山] 寧靜賞櫻秘點 南川洞櫻花街
[釜山] 舖天蓋地的粉紅色世界 櫻花之城鎮海 一生必定要參與的鎮海軍港節
[釜山] 舖天蓋地的粉紅色世界 櫻花之城鎮海 一生必定要參與的鎮海軍港節
[首爾] 如有天櫻花再開 約定你首爾汝矣島櫻花樹下見
[首爾] 如有天櫻花再開 約定你首爾汝矣島櫻花樹下見
[首爾] 首爾很好吃之早、午、晚三餐必食推介
[首爾] 首爾很好吃之早、午、晚三餐必食推介
[首爾] 韓冬最浪漫之地 南怡島 + 小王子法國村
[首爾] 韓冬最浪漫之地 南怡島 + 小王子法國村
[首爾] 穿越300年 4大試穿傳統韓服景點推介
[首爾] 穿越300年 4大試穿傳統韓服景點推介
[首爾] 姊妹購物大行動 護膚品與化妝品篇
[首爾] 姊妹購物大行動 護膚品與化妝品篇
[首爾] 市中心也有小綿羊出沒 弘大可愛綿羊 Cafe
[首爾] 市中心也有小綿羊出沒 弘大可愛綿羊 Cafe