少女旅行日記

韓國釜山 | Crown Harbour Hotel 超值、舒適、方便的新酒店推介

釜山的Crown Harbour Hotel是一間下次再去釜山我都會想再住的酒店,因為各方面都很不錯。酒店在2014年12月才開幕,好新淨,價錢合理,位置方便,房間大又舒適,所以想推介俾大家。

先說位置,地鐵中央站14號出口直行5分鐘就到,一氣條直路好易行。而中央站在釜山站和南浦站中間,釜山站是轉車大站,可以搭車去首爾。而南浦站係遊客區,唔少景點都係南浦站,再隔一個站係食海鮮勝地札嘎其,所以中央站可以話去邊都好近好方便。去機場都只係半個鐘左右咋。酒店樓下仲有間便利店。
而房呢都幾大,雙人房既床係兩張比一般單人床大少少的床,非常舒適。房間設計走簡潔路線,設施雖然就冇咩特別,但空間都幾大,好多位走黎走去。而且間房好乾淨、好新。至於價錢,係超值的$500/晚!同價錢的好多時都係3星酒店,房細細,開左喼就冇位淨,兩張細單人床個種,所以Crown Harbour Hotel真的好抵呢。
呢個城市景觀房型個景就冇咩特別,睇街景,不過可以加少少錢就會有海景房,睇過d相都幾靚架。
浴室都乾淨,有自家品牌的洗滌用品。廁所是多功能那種。
有一晚轉左去單人房,價錢都係$500/晚,間房好大,好似service apartment,可以煮食,一個人住好寬敞,真的不錯呢!
酒店既服務其實我不嬲都好少有咩特別感受,因為通常冇咩特別需要,只係check in個時會接觸下。不過今次有點特別係我超早機返香港,所以朝早5點幾已經落lobby叫front desk姐姐幫我call的士。等左一陣都call唔到,於是佢同我一齊出門口截!!個朝都幾凍下,姐姐套制服都應該幾唔耐寒,不過佢都好落力幫我截的士,而且一直保持笑容又同我傾下偈,我覺得佢好好啊!!(容易感動的少女)onni~~加分加分。
至於設施,有健身室、餐廳、cafe同會議室,沒有泳池。不過韓國好似好多酒店都冇,我又冇咩所謂。

這酒店是我今年4月去釜山時住的(好了我知我的遊記拖了很久),這次也是我第一次去釜山,印象不錯啊。很純樸的地方,環境寫意,唔似首爾咁商業化同多人。而人都比首爾更親切,物價又低一點,像這間酒店就很超值,值得再去啊!但釜山就冇首爾甘多野買同多好野食,所以呢,其實都各有各好。俾少少資訊大家,其實一個旅程係可以去曬首爾同釜山架!由首爾搭KTX火車去釜山大約3個半鐘,價錢約$400,就可以玩曬兩個城市啦!上次少女都係一次過去曬兩個地方,感受兩種唔同既韓式style,結論係真係各有各好,兩個都鍾意!有oppa的地方就是好的地方。哈哈哈。

Crown Harbour Hotel Busan
地址:114, Jungang-daero, Jung-gu, Jung-gu, 600-816 Busan
交通:地鐵中央站14號出口直行5分鐘
房價:單人房、雙人城市景觀房$500/晚
網址:酒店冇自己網站喎!!

更多釜山相關文章

更多韓國相關文章