搜索

少女旅行日記

你又去旅行,你一定好有錢錢錢錢錢錢

「你又去旅行,你一定好有錢錢錢錢錢錢。」
這是我很常聽到的一句說話,但我從不認同,因為我不覺得旅行要花很多錢。
坐國泰定快運,住10人房定5星級酒店,食街邊小食定米芝蓮,都是旅行。
這是選擇。
當你買名牌袋、戴pandora的時候,我在淘寶。
當你逛廣東道的時候,我在加連威老道。(你地唔係以為我會講旺中丫麻我大個女架喇)
當你食高級和牛、份子料理的時候,我在譚仔。
是為了旅行所以平日死慳死底嗎?
不見得,因為pandora真的好醜、淘寶其實係偉大發明同埋土匪雞翼真係好好食。
錢係自自然然就有淨,不用為旅行而蓄錢。
這又是選擇。
近來關於80後成功買樓的故事引起熱烈討論,我不評論人家的生活,因為每個人都有自己的理想人生。
可能人地真係覺得望住層樓就覺得飽唔駛食咁多野呢,你點知喎。
而且想安居樂業有自己的家也很正常,這理想本質上完全沒問題。
問題是,這是香港,瘋狂的香港。
我不打算在瘋狂的香港買樓,除非中左六合彩。
節衣縮食買樓絕對不會是我想要的生活。
要我食少一塊麵包去倒貼班地產商大魚大肉,我寧願特登買張首爾機票即日來回淨係去食份Issac阿姐仲高興。
要我搭少兩程車慢慢行返工去倒貼班富二代買跑車溝女,我寧願坐飛機日出坐到日落再日出皮膚乾到龜裂但起碼雲上風景動人。
要我幾年唔去旅行去換一個安樂窩,仲要其實都唔係真係咁安樂,買完仲供到你仆街的墮落窩?
唔係唔得既,除非我癲左啦。
這也是選擇。
我唔會捉住你講旅行可以擴闊眼界、增廣見聞、認識自己乜乜乜,一定比蓄錢買樓有意義。
因為不同人去旅行會見到不同的東西,不同人望住錢都有不同的想法,沒有所謂什麼比什麼有意義。
對,為了保持隊型我一定會說這都是選擇。
所以,一切都同錢無關。
而且有好多風景,根本錢都買唔到。
其實呢個世界真係好多野都同錢無關。