搜索

少女旅行日記

人家冤枉你平凡悶孩子 新加坡平反文

上次篇最「un翻啅able」的城市得到好多回應,大家都好踴躍發表意見,知道左好多人心目中最「un翻啅able」的城市,又了解到大家對一個旅遊城市的唔同要求,呢個選舉真係好有意思呀~而最重要係,你地俾左靈感我寫而家呢篇文。話說,睇曬大家所講的最「un翻啅able」城市之後(真係睇曬架我),有一個城市似乎真係得輸,好多好多人話佢係最「un翻啅able」,劣評包括好悶、好細、好熱、好貴、冇景點、冇野買、同香港一樣......大概甘上下。佢叫新加坡,簡稱坡仔,我同佢有過兩面之緣,唔係深交但都算係朋友,唔算非常喜愛但略有好感,對於人家冤枉佢平凡悶孩子,我覺得其實佢好處個個也不知,我決定幫佢平反,因為我相信我地會再見第3次。
坡仔係一個非常整潔的孩子。我對坡仔的好感最主要來自佢個環境,條街好乾淨,唔多人又唔算多車,即使係景點,即使係旺區,都唔會好擠擁。而且佢注重綠化,周圍都有好多樹,空氣好清新,行到邊都有種好fresh既感覺,真係唔多城市可以做到,呢樣超級加分。特別係我地生活於迫到抖唔到氣的香港,去旅行自然好想離開人群,吸啖新鮮空氣refresh下我地呢隻喪屍,如果去到外地都仲係繼續同其他遊客一齊去清水寺迫住參拜、去心齋橋行年宵,未免太辛苦。
早幾年第一次同坡仔見面,我帶住氣管炎同鼻敏感赴約的,仲覺得自己好慘呀去旅行先黎病唔通連個天都唔鍾意我,坡仔話放心啦聽日一定會好返既,我冇問佢點知我第二日會好返,因為我知道坡仔既空氣真係聞一聞醒腦提神,索一索舒筋活絡架。至於有好多人話佢天氣好熱,我覺得還好,因為佢空氣清新,所以個種熱都唔係香港個種痴立立,相比起黎完全唔覺得難受。落雨係會既,但都係過雲雨,好快又見返太陽,仲見過彩虹添!
坡仔其實係個好動的孩子。當然啦,環境舒適都唔足以令人想去旅行既,最緊要有野玩有野睇。好多人話坡仔冇野玩,真係冤枉呀包大人!我覺得坡仔都幾多野玩同睇喎!(其實我地是真的身處於同一個平行時空嗎?)首推聖淘沙,入面有好多野玩,除左環球影城外,仲有SEA海洋館、海底世界、水上探險樂園、segway、刺激mega zip......最好玩的超級推介係Skyline Luge & Skyride,東南亞地區得坡仔有得玩。先坐架吊車上山,再自己控制住一架好似小型賽車又似雪橇的車仔衝落山,沿路好多彎位,好刺激好好玩,我玩左2次都覺得唔夠喉!係必玩架!人地仲有3個沙灘,如果入埋環球影城,淨係聖淘沙都至少可以玩兩日啊!
(網絡圖片,玩緊影唔到相~)
(網絡圖片,上次冇玩~)
(都係網絡圖片,上次冇時間去~)
坡仔又係一個充滿藝術氣息的孩子。出返市區,玩樂地方可能少d,大路既景點有河川生態園、動物園、摩天輪、濱海灣花園、克拉碼頭、魚尾獅,但市區的特色係有好多靚建築物,好多有歐陸色彩的建築好適合影相。牛車水一帶既彩色小屋係我既至愛。藝術館、藝術中心、特色博物館通街都係,仲間間建築都好精緻。如果你只係一個偽文青,對真正的藝術館不感興趣,都一定有兩個地方會好鍾意,就係Haji Lane 同Ann Siang Hill,聚集好多潮流小店、本土設計、餐廳,小店有唔少係由百年歷史建築翻新而成,淨係門口影相已經夠曬feel。所以坡仔其實係「動靜沉佳宜」。
坡仔仲係個好識食的孩子。有野玩都要有野食,不得不提坡仔四大名物:海南雞飯、叻沙、咖央多同斑蘭蛋糕。個邊海南雞好滑、叻沙夠曬椰香味又唔會太辣、香港間阿坤大概只係個邊的7成水準、機場間斑蘭蛋糕超鬆軟又勁香,我絕對願意淨係為左食呢四樣野再去探坡仔!口水流到一地都係之際,仲諗起老巴剎既沙爹串燒、牛車水街邊檔炒粿條、香滑拉茶......同埋叻沙杯麵!冇錯,杯麵都好好食。
坡仔有好多朋友。其中一個我覺得好唔錯的叫民丹島,離坡仔屋企只需個半鐘船程,一個水清沙幼、遊客不算多、好適合度假的地方。雖然民丹島屬於印尼,但大部份人都係去探坡仔既時候順手搵埋佢一齊玩,所以我會將佢當成係坡仔優點既一部份。坡仔仲有另一個朋友叫新山,即係Legoland的所在地。雖然係屬於馬來西亞的不過又係由坡仔屋企出發比較近,兩個鐘左右就到,所以坡仔並唔係一個地方甘簡單,仲有好多可能性,睇你有冇心去發掘。
好多人話坡仔太奢侈。我覺得佢既消費同香港差唔多......所以真係好貴。但又因為同香港差唔多,所以都唔會有去到歐洲個種「嘩一枝水要10蚊?!」既強烈驚訝,香港人去到應該只係淡淡然俾住先,反正都同香港差唔多。而坡仔冇乜特別野賣,所以鳩鳴免問,總括黎講又唔係真係會駛你好多錢。其實日本仲貴,而家YEN跌左先同香港差唔多物價,以前食碗麵要100蚊,但又從來唔會有人話「我唔鍾意日本,因為佢貴」,吳若希又會問點解既?
Last but not least(以前英文作文永遠都用呢句做最後一段的開頭),旅行好神奇既一樣野係明明大家去同一個地方,但感覺可以完全唔一樣。有人話坡仔on99,但我又覺得佢幾lovely。有人好buy既地方,你又會寧願落mk駛錢是但buy隻碗都唔去。所以話其實什麼最佳/最差旅遊城市選舉都係玩下架啫,每個人都有自己心水城市。我心目中的坡仔雖然不至於令人愛不釋手,但絕對「翻啅able」,就算誰都不欣賞但偏偏我可以。祝你也找到你的滄海遺珠。

更多東南亞相關文章

[柬埔寨] 世遺吳哥窟之城暹粒 4日3夜行程 CP值極高酒店+餐廳+按摩推介 簽證+交通+預算
[柬埔寨] 世遺吳哥窟之城暹粒 4日3夜行程 CP值極高酒店+餐廳+按摩推介 簽證+交通+預算
暑假親子遊首選 馬來西亞LEGOLAND 一個樂園多種玩法
暑假親子遊首選 馬來西亞LEGOLAND 一個樂園多種玩法
[清邁] 排名第一法國菜 David's Kitchen 與 超抵食地道泰北菜 Tong Tem Toh
[清邁] 排名第一法國菜 David's Kitchen 與 超抵食地道泰北菜 Tong Tem Toh
[清邁] 不一樣的寺廟 白龍寺 純白無瑕的白廟
[清邁] 不一樣的寺廟 白龍寺 純白無瑕的白廟
[布吉] The Thavorn Beach Village Resort 坐擁私人海灘的五星度假村
[布吉] The Thavorn Beach Village Resort 坐擁私人海灘的五星度假村
[布吉] 慢遊舊城區 必食自家製特色雪糕 300蚊以下的抵住平價少女風住宿
[布吉] 慢遊舊城區 必食自家製特色雪糕 300蚊以下的抵住平價少女風住宿
[布吉] 刺激必玩 飛越森林Zip line 越野四驅車
[布吉] 刺激必玩 飛越森林Zip line 越野四驅車
[布吉] 擁抱藍綠色的大海 皇帝島+珊瑚島浮潛 與魚共游
[布吉] 擁抱藍綠色的大海 皇帝島+珊瑚島浮潛 與魚共游
[檳城] 百年老屋改建 The Edison George Town 懷舊復古酒店呈現檳城花樣年華
[檳城] 百年老屋改建 The Edison George Town 懷舊復古酒店呈現檳城花樣年華
[檳城] 攀上檳城最高點 光大廣場The Top 極離地68樓彩虹天空步道
[檳城] 攀上檳城最高點 光大廣場The Top 極離地68樓彩虹天空步道
[檳城] George Town古城以外 十個趣食物狂想館 Wonderfood Museum
[檳城] George Town古城以外 十個趣食物狂想館 Wonderfood Museum
[檳城] 世界文化遺產古城 George Town喬治城 時光倒流景點巡遊(下)
[檳城] 世界文化遺產古城 George Town喬治城 時光倒流景點巡遊(下)
[檳城] 世界文化遺產古城 George Town喬治城 時光倒流景點巡遊(上)
[檳城] 世界文化遺產古城 George Town喬治城 時光倒流景點巡遊(上)
[華欣] 平價避世度假天堂 5星級Evason Hua Hin Resort 獨霸私人泳池
[華欣] 平價避世度假天堂 5星級Evason Hua Hin Resort 獨霸私人泳池
[華欣] 泰國後花園 華欣三大景點 聖托里尼公園、Swiss Sheep Farm、懷舊小鎮Plearn Wan
[華欣] 泰國後花園 華欣三大景點 聖托里尼公園、Swiss Sheep Farm、懷舊小鎮Plearn Wan
香港航空最新直航 馬來西亞古晉 貓城之旅
香港航空最新直航 馬來西亞古晉 貓城之旅
[峴港] 越南世界文化遺產之旅(下) 時光倒流 漫遊會安古城 連餐廳推介
[峴港] 越南世界文化遺產之旅(下) 時光倒流 漫遊會安古城 連餐廳推介
[峴港] 越南世界文化遺產之旅(上) 迷你吳哥窟 美山聖地
[峴港] 越南世界文化遺產之旅(上) 迷你吳哥窟 美山聖地
[峴港] 海鮮大排檔 Quan Ba Thoi 2 即揀即煮 新鮮美味
[峴港] 海鮮大排檔 Quan Ba Thoi 2 即揀即煮 新鮮美味
[峴港] 好味地道越南菜 峴港必食Lam Vien Restaurant
[峴港] 好味地道越南菜 峴港必食Lam Vien Restaurant
[峴港] A La Carte Beach Hotel 頂層露天酒吧 The Top 擁抱峴港夜景
[峴港] A La Carte Beach Hotel 頂層露天酒吧 The Top 擁抱峴港夜景
[峴港] 多人分享最抵價 超豪華5星級別墅連私人泳池 峴港The Ocean Villas
[峴港] 多人分享最抵價 超豪華5星級別墅連私人泳池 峴港The Ocean Villas
[峴港] 超抵住酒店 每日包免費spa 強烈推薦峴港Sanouva Hotel
[峴港] 超抵住酒店 每日包免費spa 強烈推薦峴港Sanouva Hotel
[峴港] 關於峴港的十件事 簽證慳錢法、貨幣、交通、手信一覽
[峴港] 關於峴港的十件事 簽證慳錢法、貨幣、交通、手信一覽
人家冤枉你平凡悶孩子 新加坡平反文
人家冤枉你平凡悶孩子 新加坡平反文
一個人私奔 這是一場華麗的冒險
一個人私奔 這是一場華麗的冒險